Voyages en autocar

Mam Bus an d’Vakanz !
Eng geselleg Alternative.

De Wanter steet schonn erëm virun der Dir. Den idealen Zäitpunkt fir sech Gedanken iwwert di nächst Busrees ze maachen.

Nom Summer- an Hierschtkatalog, ass och elo eise Wanter- a Fréijoersprogramm komplett iwwerschafft gin fir Iech déi verschidden Destinatiounen nach méi schmackhaft ze presentéieren. An der Brochure „ënnerwee“ fannt Dir, wéi gewinnt, eis eemoleg Busreesen. Zousätzlech dozou gëtt et nach eng Rei aner Katalogen: den „apaart“ bidd ofwiesslungsräich Kulturreesen un, den „Dagesreesen“ entféiert Iech kuerz aus dem Alldag an den „auszäit“ mat eise berühmten reegelméissege Busreesen. Nei an eiser Gamme ass elo och e Katalog, speziell op eis franséischsproocheg Clientèle ausgeriicht.

Traditionell Highlights an eiser Wanteroffer si selbstverständlech di vill Chrëschtmäert an Adventsreese queesch duerch Europa.

Fir d’Wantersportler ënnert Iech hu mir dëst Joer eng ganz nei Destinatioun am Programm: Andermatt an der Schwäiz !

Mir wandelen awer och op de Spure vum Hannibal. Am Ötztal gëtt seng Liewensgeschicht virun enger grandioser Biergerkulisse inszenéiert.

Fir all Goût ass eppes dobäi. Mir fuere mat der Fär eriwwer bis a Nordengland oder awer zum Beispill mat eisem Partner bexeb bis erof a Portugal, fir Porto mat senger schéiner Wäibauregioun a sengem exzellente Portowäin emol op eng aner Aart a Weis kennenzeléieren.

Mir proposéieren och d’Fortsetzung vun eiser Pilgerrees op Avila, dës Kéier geet et an Andalusien.

All 10 Joer gëtt zu Oberammergau de Leidenswee vu Christus nogespillt. Am Joer 2020 ass et nees esou wäit. Dëst Spektakel sollt een sech op kee Fall entgoe loossen.

Fir d’Frënn vun der Photographie hu mir och ee Bonbon am Programm: et geet bei Leica op Wetzlar, wou net nëmmen dat berühmt Wierk besicht gëtt, mee wou een och an engem Atelier vun de Spezialiste geléiert gëtt, wéi ee perfekt mat der Kamera ëmgeet.

Mir freeën eis elo schonn Iech op enger vun eise beléifte Busreese begréissen ze dierfen a wënschen Iech vill Spaass beim Entdecke vun eisem Programm.

Paul Trierweiler
Directeur Commercial

Découvrez ici nos brochures actuelles!

Votre équipe Sales-Lentz se réjouit de votre requête.

Les conditions générales de voyage